Күндүл маҥан халлаан арыллар кэмигэр, уйгулаах сайыммыт сатыылаан турдаҕына алгыс түһэр үрүҥ күн үөһээ ойор үтүө күнүгэр бэс ыйын 18 күнүгэр Байаҕантай нэһилиэгэр Үрүҥ тунах ыһыах ыһылынна. Ыһыах дьоно уһун кыһыны этэҥҥэ туораан күөххэ үктэммит үөрүүлэрин уруйдаан салама баайан унаар түптэ буруотугар арчыланан түһүлгэҕэ киирдилэр.
Ыһыах арыллыытын сиэрин туомун ситэрэн биир дойдулаахпыт алгысчыт Айаал Аргунов үрдүк айыылартан этэҥҥэ буолууну көрдөстө, уот аһатан дьону -сэргэни алҕаата. Нэһилиэкпит Баһылыга С.И.Егоров ыһыах аһыллыбыт бэлиэтин Ытык Дуоҕаны өрө көтөҕөн айах тутта.
Ол кэннэ нэһилиэк талааннаах дьоно сэргэтэ ырыа-тойук бастыҥын, үҥкүү-битии туйгунун бар дьонноругар бэлэхтээтилэр.
Ыһыахпыт мааны ыалдьыттарынан улууспут аҕа баһылыга А.В. Федотов, Танда үрэх сүнньун депутата И.И. Аммосов, нэһилиэктэри кытта үлэҕэ отдел начальнига И.Н. Иванов, үөрэх управлениятын солбуйар начальнига И.И. Никонов буоллулар.
Бу күн араас күрэхтэргэ илин-кэлин быһаарыстылар, ол курдук нэһилиэк түөлбэлэрин икки ардыларгар түһүлгэ киэргэтиитин уонна ыһыах мааны аһын күрэхтэрэ ыытылыннылар:
Түһүлгэ киэргэтиитэ:
1 миэстэ Түмсүү
2 миэстэ Алгыстаах Алаас
3 миэстэ Эрчим
4 миэстэ Кустук
Ыһыах мааны аһа:
1 миэстэ Түмсүү
2 миэстэ Эрчим
3 миэстэ Алгыстаах Алаас
4 миэстэ Кустук.
«Ыллыыбын Ыһыаҕы уруйдаан» ырыа күрэҕэ олус сэргэхтик ыытылынна. Бу күрэххэ сүрүн бирииһи нэһилиэк мааны куоластаах ырыаһыта «Мүрү күөрэгэйэ» Клавдия Мурукова, анал ааттарга «Дьиэрэй» эр дьон народнай коллектива, олохтоох автор, мелодист Катя Алексеева-Готовцева, анал байыаннай операцияҕа кытта сылдьар биир дойдулаахпыт, талааннаах ырыаһыт Руслан Находкин, Тандатааҕы норуот айымньытын киинин коллектива туруордулар.
Гран — При Владислав Матвеев – 10 000 солк. (Клавдия Мурукова)
Лауреат 1 Уйгулаана Матвеева – 5 000солк («Дьиэрэй» НК)
Лауреат 2 Анастасия Окоемова – 3 000 солк. (Катя Алексеева-Готовцева)
Лауреат 3 Вероника Готовцева – 3 000 солк (Руслан Находкин)
Анал ааттар:
«Кэскиллээх ырыаһыт» Нарыйа Егорова
«Ылбаҕай ырыаһыт» Изабелла Слепцова
«Алыптаах куолас» Татьяна Готовцева
«Сахам мааны талба таҥаһа» саха таҥаһын күрэҕэ
Дьахталлар:
1 миэстэ Марфа Сидорова
2 миэстэ Мария Аммосова
3 миэстэ Анастасия Окоемлова
Биһирэм бириис – Виктория Кашлакова
Эр дьон:
1 миэстэ Роман Готовцев
Уол оҕо:
1 миэстэ Артем Готовцев
Кыыс оҕо:
1 миэстэ Катя Слепцова
2 миэстэ Вера Готовцева
3 миэстэ Вера уонна Надя Готовцевалар
Бу күрэх биистэрин туруорда Танда үрэх сүнньүн нэһилиэктэрин депутата Иннокентий Иннокентьевич Аммосов.
Түөлбэлэр икки ардыларыгар оһуохай этиитигэр биирдиилээн күрэх буолла, күрэххэ нэһилиэкпитигэр олорон ааспыт оһуохайдьыттар Гликерия Ивановна Охлопкова уонна Виктория Анатольевна Афанасьева аймахтара, доҕотторо бииргэ үөрэммит табаарыстара, биир дойдулаахпыт Л.И.Егорова бириистэри олохтоотулар.
Чыпчаал кыайылаах – Туйаара Сидорова «Сардаана» түөлбэ
1 үрдэл – Александра Лыткина «Кустук» түөлбэ
2 үрдэл – Аграфена Готовцева «Түмсүү» түөлбэ
3 үрдэл – Мотрена Охлопкова «Алгыстаах Алаас» түөлбэ
«Кэскиллээх этээччи» — Ольга Готовцева «Эрчим» түөлбэ
Ону тэҥэ өбүгэ оонньууларыгар (мас тардыһыы, хапсаҕай, үс төгүл үс, сүүрүү) спортивнай күрхтэр ыытыллыннылар.
«Байаҕантай боотур» национальнай многоборье көрүҥнэригэр 9 эр бэрдэ кытынна, түмүккэ:
1 миэстэ – Афанасий Вензель
2 миэстэ – Филипп Аммосов
3 миэстэ – Алексей Готовцев
Дьон сэҥээриитин түөлбэлэр икки ардыларыгар эстафета ылла:
1 миэстэ – «Эрчим» түөлбэ
2 миэстэ – «Сардаана» түөлбэ
3 миэстэ – «Түмсүү» түөлбэ
4 миэстэ – «Алгыстаах алаас» түөлбэ
Кыайыылаах түөлбэ биир дойдулаахпыт Е.Д.Кривошапкин бирииһин (15 тыһ) ылан үөрүүлэрэ үксээтэ.
Ыытыллыбыт спортинай күрэхтэр спонсордарынан буоллулар Заболоцкий А.И., Заболоцкий А.П, Готовцева Э.А., Тарская М.И., Готовцев И.С., А.М.Неустроев, .
«Байаҕантай Боотур сүрүн спонсорынан биһиги нэһилиэккэ ыытыллар бары тэрээһиннэрбитин өрүү өйүүр улууспут депутата И.И.Аммосов буолла.
Тандатааҕы норуот айымньытын киинэ «Сайын бэлэҕэ» сүүйүүлээх оонньууну ыытан дьон сэргэ үөрүүтүн үксэттэ. Үрүн тунах ыһыах үрүн түүнүн саха эстрадатын мааны куоластаах ырыаһыта Виктор Иванов – Сиэйэ Уола айар кэнсиэринэн киэргэттэ. Ону тэҥэ «Дуораан» радио ыытааччыта, шоумэн Иннокентий Алексеев ситэрэн биэрдэ.
Ыһыахха анаммыт алгыспыт арчылаатын, алҕаатын төрүт түөлбэ сирбитин, дьоммутун-сэргэбитин, кэлэр кэнэҕэс ыччаттарбытын!
