Бүгүн Түөрт Геройдаах Байаҕантай нэһилиэгэр Улуу Кыайыы 79 сылын парада үгүс киһини түмтэ, Россия үлэҕэ Геройа М.Н.Готовцев аатынан Танда орто оскуолатыттан саҕалаан түөлбэлэринэн парадтаан Кыайыы болуоссадыгар тиийдибит. Байаҕантай нэһилиэгин аҕа баһылыга Егоров С.И. , сэрии оголорун ааттыттан Неустроева В.И. , музей специалиһа оҕолорго эдэр келүөнэҕэ урукку кэми санаан ахтан, үөрүүлээх күнүнэн эҕэрдэ тыллары эттилэр, мүнүүтэ тохтобул кэннэ өйдөбүнньүк веногу Үлэ, тыыл ветерана Андросов Лука Лукич, ага баьылык Егоров Савва Иванович уонна Танда орто оскуолатын 10 кылааьын үөрэнээччитэ Арсен Готовцев уурдулар. Танда орто оскуолатын «Орлан» военнай-патриотическай кулууп оголоро патруллаатылар, стройунан хааман көрдөрдүлэр. Мурукова К.В. проегынан 19 сылын ыытыллыбыт «Уруйдуубут Улуу Кыайыыны» оскуола оҕолорун кыайыылаахтара бастакы, сэттис, тохсус кылаас оголоро, ого уһуйааныттан Сир симэгэ группа иитиллээччитэ Айгылаан Булдаков хоһоонунан, эдэр ыччат үҥкүүлэринэн, ырыаларынан эҕэрдэлээтилэр. Олохтоох дьаһалта аатыттан сэрии кэминээҕи оҕолорго, билигин анал байыаннай дьайыыга сылдьар ыччаттарбытыгар сухой поек туттардылар, ол кэннэ итии чэйинэн хааһынан күндүлээтилэр. Тэрээһин кэннэ үгэскэ кубулуйбут түөлбэнэн сыал ытыытыгар күрэх буолла уопсай түмүккэ 1 миэстэ Алгыстаах алаас 2 миэстэ Эрчим 3 миэстэ Сардаана 4 миэстэ Түмсүү буоллулар. Киэһэ 20;00 ч «Свеча памяти» буолла. Бары нэһилиэкпит олохтоохторугар, тэрилтэбит салайааччыларыгар махталбытын тиэрдэбит.
