☀️☀️☀️☀️☀️☀️☀️☀️☀️
*Унньуктаах уһун кыһыммыт түмүктэнэн, тымныы күннэрбит кыйданан сандал саас кэлбитин уруйдуу, айхаллыы Байаҕантай нэһилиэгэр муус устар 7 күнүгэр күнүс 11 чаастан «Махсыым» күөлүгэр *»Кыһыны атаарыы»* үөрүүлээх тэрээһинэ буолан ааста
Арассыыйаҕа “Дьиэ-кэргэн”, Өрөспүүбүлүкэҕэ “Оҕо”, Уус-Алдан улууһугар “Аҕа” сылын чэрчитинэн Байаҕантай нэһилиэгин бултуур түөлбэлэр икки ардыларыгар проект автора Сивцев А.Н. “БАЙАҔАНТАЙ БУЛЧУТ” иккис сылын ыытылынна.
Күрэх кыттааччылара алта түһүмэххэ күөн көрүстүлэр ол курдук:
- Тоҥуу хаарга эстафета (20м)
- МР – 155 сааны ыһыы, таҥыы (МР – 155 саа)
- Воздушканан ытыы (2 пробнай, 3 зачет)
- Хомуур хапсаҕайа
- Ойбон алларыы (анньыы, күрдьэх).
- Уот оттон чэй оргутуута (10 л. – биэдэрэ, сүгэ)
*Дьүүллүүр сүбэ быһаарыытынан 1, 2, 3 миэстэлэргэ *Россия Героя Алексей Неустроев, Айаан Никифоров, Иннокентий Аммосов, Михаил Слепцов, Байаҕантай нэһилиэгин дьаһалтата* туруорбут сыаналаах бириистэринэн наҕараадаланнылар
1 миэстэ – Сидоров Егор,Вензель Александр, Заболоцкий Николай 300 ботуруон, 200 литр бензин;*
2 миэстэ – Вензель Илья, Вензель Афанасий, Никифоров Алексей 100 ботуруон, 100 литр бензин;*
3 миэстэ – Софронов Ньургун, Софронов Степан, Лукин Семен 100 ботуруон, 50 литр бензин. ылары ситистилэр.
Нэһилиэкпит дьонун сэргэтин, Байаҕантай нэһилиэгин ыччата буһарбыт пловун, культура үлэһиттэрэ сылаас миининэн, чэйинэн күндүлээннэр, араас тэттик оонньууларга кыттан, Тандинка магазин атыы — тутуу атыылаан дуоһуйа сынньанан дьоммут сэргэбит тарҕастылар. Бука бары кыттыбыт эр бэрдэрбитигэр аҕа күнүнэн эҕэрдэлээн туран бары кыттыыны ылбыт тэрийсибит бар дьоммутугар махтанабыт👏🏽👏🏽👏🏽
