Бүгүн, ол эбэтэр сэтинньи 8 күнүгэр Түөрт геройдаах Байаҕантай нэһилиэгэр
«Сомоҕолоһуу- эйэлээх олох төрүөтэ» диэн нэһилиэк түөлбэлэрин уус- уран самодеятельноһын эҕэрдэ күрэх- концера буолан ааста. Аҕа баһылыкпыт Савва Иванович быйылгы саҥа үлэ сезонун арыйан, саҥа үлэһиттэрбитигэр нэһилиэк дьаһалтатын эҕэрдэ суруктарын туттарда.
Түөлбэлэр күрэх — концердара олус сэргэхтик буолан ааста, ол курдук дьүүллүүр сүбэ үлэтинэн маннык түмүк таҕыста:
1м — Алгыстаах Алаас,
2 м — Эрчим,
3 м — Сардаана,
4м — Түмсүү.
Көхтөөх кыттыыны ылбыт бука бары олохтоохторго махталбытын тиэрдэбит! Бу курдук өрүү бииргэ сомоҕолоһон нэһилиэкпит сайдыытыгар төһүү күүс буолуоҕуҥ, эйэлээх олоҕу уһансыаҕыҥ!
