Бүгүн о.э кулун тутар 20 күнүгэр Байаҕантай нэһилиэгэр өссө биир сэргэх тэрээһин ыытылынна. Ол курдук Тандатааҕы «Айтал» доруобуйаларынан хааччахтаах дьон түмсүүлэрин тэрийиитинэн улуустааҕы «Сүр күүһэ» спортивнай күрэх үрдүк таһымҥа тэрилиннэ. Күрэххэ барыта улууспут 6 нэһилиэгиттэн 30 спортсмен 5 көрүҥҥэ (дуобат, остуол тенниһэ, дарс, хабылык, хаамыска, мээчиги таба быраҕыы) кыттыыны ыллылар. Күрэхтэһии спортсменнар парадтарыттан саҕаланна. Нэһилиэк баһылыга С.И.Егоров кэлбит ыалдьыттары эҕэрдэлээтэ. Улууспут былааҕын күөрэччи көтөҕөн ким бэлэмнээх ол кыайдын диэн алгыс тылынан олохтоох автор уонна мелодист Катя Алексеева-Готовцева эҕэрдэ ырыатынан тыҥааһыннаах киирсиилэр саҕаланнылар. Күрэхтэһиини иилээн-саҕалаан сүрүн судьуйанан улуус волейболга треннера, М.Н.Сибиряков аатынан спорт саала инструктора М.Н.Аммосов үлэлээтэ. Түмүк маннык буолла:1миэстэ- Мүрү хамаандата2миэстэ-Байаҕантай хамаандата3миэстэ- Кэптэни хамаандата4миэстэ-Сыырдаах хамаандата5миэстэ-Баатаҕай хамаандата6миэстэ-БэйдиҥэхамаандатаБу тэрээһиҥҥэ Байаҕантай нэһилиэгин индивидуалнай предпринимателлэрэ: «Эконом-маркет» Заболоцкая И.И; «Светлана» Матвеев В.В; «Тандинка» Неустроев А.М; «Тандам уута» Неустроев В.В, «Суши-пицца» Окоемов П.Р; «Мебельнэй» Бурцев Н.Г спонсор быһыытынан өйөөн сыаналаах бириистэри анал ааттарга бэлэх ууннулар. Сүрүн спонсорынан Тюменьскай уобаластан доруобуйаларынан хааччахтаах дьон адаптивнай спортарын треннерэ Зоя Алибековна Шарапова уу харчынан 25 тыһыынчаны биэрбитэ күрэхтэһиини өссө сытыырхатта. Хамаанданан үс инники миэстэҕэ Мүрү-7000солк, Байаҕантай -5000солк, Кэптэни -3000солк ыланнар үөрүүлэрэ үрдээтэ.Күрэх кэмигэр Байаҕантай нэһилиэгиттэн Аргунова Д.А, Аммосова В.Е имигэс тарбахтарынан оҥорбут оҥоһутарын быыстапкалара көрөөччүлэр биһирэбиллэрин ылла. Түмүккэ спортсменнар олохтоох И.П.Готовцев аатынан Тандатааҕы историко-архитектурнай музейы көрөн, минньигэс астаах остуол тула олорон ирэ-хоро кэпсэтэн аны да көрсүөх буолан тарҕастылар.Түгэнинэн туһанан бу күрэхтэһиини бэйэтин баҕатынан сүүрэн-көтөн тэрийбит, доруобуйаларынан хааччахтаах дьону түмпүт Тандатааҕы «Айтал» инвалидтар түмсүүлэрин салайааччытыгар Новгородова Анна Николаевнаҕа нэһилиэк олохтоохторун аатыттан истиҥ махталбытын тиэрдэбит!
