Бүгүн муус устар 21 күнүгэр улууспутугар буолаары турар 8 Саха сирин спортивнай оонньууларын чэрчилэринэн, Саха автономиятын 100 сылыгар уонна нэһилиэкпитигэр Аҕа, эр киһи сылыгар аналлаах «Сыалы тап» коммерческай күрэх буолла. Күрэхтэһии үөрүүлээх аһыллыытыгар Саха көрдөрөр иһитиннэрэр хампаанньа тэрийэн ыыппыт «НВК Кубогын» иһин күрэххэ кыттыбыт нэһилиэкпит хамаандатын кыттыылаахтарыгар нэһилиэк Баһылыга Савва Иванович Егоров махтал суруктары уонна бэлэхтэри (спальнай мешок, термос) үөрүүлээх быһыыга туттартаата.
Күрэххэ барыта 14 эр бэрдэ кытынна.
Үс түһүмэҕинэн о.э дартс быраҕыы, корзинаҕа мээчиги киллэрии уонна сыал ытыыта буолла.
Икки көрүҥҥэ, дартс быраҕыыга уонна корзинаҕа мээчиги киллэриигэ Иннокентий Готовцев тэҥнээҕин булбата, икки көрүҥ кыайыылааҕа буолан атын кыттааччыларга балаһыанньаны уустугурта. Сыал ытыыга Николай Заболоцкай кыраҕы харахтааҕын көрдөрөн инники буолла. Уопсай түмүккэ күрэх муҥур кыайыылааҕынан Иннокентий Готовцев (3500солк) буолла. Иккис миэстэ Николай Заболоцкай (2000солк), үһүс миэстэҕэ Айаал Булдаков (1500солк) таҕыстылар. Кыайыылаахтар мэтээл кэттилэр, туоһу суруктары туттулар.Биирдиилээн көрүҥнэргэ бастаабыттар эмиэ харчынан бириэмийэ ыллылар. Биирдиилээн көрүҥгэргэ Тандатааҕы норуот айымньытын киинэ 1000 солк, олохтоох библиотека библиотекаря Егорова Эльвира Юрьевна 2000 спонсордаатылар.
Олус сэргэх сонун тэрээһин дьону сэргэни сэргэхситтэ. Күрэҕи тэрийбит өрүү кыайыыга, инникигэ дьаныардаах, дьулуурдаах нэһилиэкпит баһылыгар Савва Иванович Егоровка махталбытын тиэрдэбит!
