Бэҕэһээ о.э олунньу 16 күнүгэр Тандатааҕы В.Д.Лонгинов аатынан норуот айымньытын киинигэр, ааспыт 2025 сыл Түөрт Дьоруойдаах Байаҕантай нэһилиэгин бастыҥнарын чиэстээтибит.
«Ытык кырдьаҕас» анал бэлиэ хаһаайына Лука Лукич Андросов
«Кыайыы 80 сылын бастыҥ бырайыага» анал аат хаһаайына Иван Иван Колодезников
«Дойдутугар бэриниилээх» анал аат хаһаайына Алексей Михайлович Неустроев
«Бастыҥ муҥхаһыт» анал аат хаһаайына Аммосов Василий Васильевич
«Бастыҥ бааһынай хаһаайыстыба» анал аат хаһаайына Готовцев Никита Романович
«Бастыҥ активист» анал аат хаһаайына Софронова Лена Александровна
«Бастыҥ спорду көҕүлээччи» анал аат хаһаайына Аммосов Максим Николаевич
«Бастыҥ көхтөөх Аҕам саастаах» анал аат хаһаайына Готовцев Иван Павлович
«ЕГЭ, ОГЭ түмүгүнэн бастыҥ учуутал» анал аат хаһаайына Аммосова Саргылана Николаевна
«Бастыҥ меценат» анал аат хаһаайына Заболоцкай Афанасий Иванович
Ааспыт 2025 сыл түмүгүнэн түөлбэ олохтоохторо араас таһымнаах нэһилиэкпит иһинэн ыытыллар тэрээһиннэргэ көхтөөхтүк кытыннылар. Сыл түмүгүнэн үс бастыҥ көрдөрүүлээх түөлбэлэргэ Байаҕантай нэһилиэгин баһылыга олохтообут харчынан бирииһин туттулар:
3 бочуоттаах миэстэ «Эрчим» түөлбэ, салайааччы Готовцева Ольга Ивановна
2 миэстэ «Алгыстаах Алаас» түөлбэ, салайааччы Охлопкова Мотрена Николаевна
1 миэстэ «Сардаана» түөлбэ, салайааччы Аргунова Айыына Гаврильевна
Сыл бастыҥнарын чиэстээн баран, Сахабыт сиригэр биллэриллибит култуура сылын үөрүүлээхтик астыбыт. Бу күн Уус-Алдан улууһун култуураҕа управлениетын начаалынньыга Эльза Михайловна бэйэтинэн кэлэн тэрээһиммитин киэргэттэ. Кинини кытта В.В.Никифоров-Күлүмнүүр аатынан култуура дыбарыаһын үлэһиттэрэ, талааннаах дьоно-сэргэтэ «Сүрэхпит сылааһын Кэнчээригэ» акция кэнсиэри ииллээн-саҕалаан ыытан көрөөччү биһирэбилин ылыан ыллылар.
Кыттыыны ылбыт күндү биир идэлээхтэрбитигэр тэрийэр бөлөх аатыттан барҕа махталбытын тиэрдэбит, айар үлэҕитигэр үрдүк ситиһиилэри, дабайыылары баҕарабыт. Акция түмүгүнэн Кэнчээри оҕо уһуйааныгар 270.000 солк тахса харчы хомулунна.
