Россия үрдүнэн муус устар 19 күнүгэр Советскай норуот Аҕа дойду улуу сэриитигэр геноцид сиэртибэлэригэр өйдөбүнньүк күнүнэн биллэриллибитэ. Ол чэрчитинэн муус устар 16 күнүгэр Тандатааҕы норуот айымньытын киинигэр Танда орто оскуолатын улахан кылаастарыгар аналлаах өйдөтүү, билиһиннэрии бэсиэдэ тэрээһин ыытылынна ыытыллынна.
Тэрээһиҥҥэ Танда орто оскуолатын историяҕа учуутала Посельская Елена Софроновна сэрии кэмигэр Советскай норуоту массабай өлөрүүлэрин, нацисстар атаҕастабылларын туһунан кэпсээтэ. Олохтоох библиотека үлэһитэ Эльвира Юрьевна Егорова оҕолорго анаан викторина ыыта, Тандатааҕы норуот айымньытын киинин үлэһиттэрэ документальнай киинэни көрдөрдүлэр. Кэлбит оҕолор история чахчыларыттан соһуйан, сөҕөн элбэҕи билэн тарҕастылар.
